قصيده رثاء للاب!

                                                  قصيده رثاء للاب!
قصيده اهداء لوالدي المرحوم ابراهيم حسن 
شسولفلك يبوية وأبتدي امنين
ومن يوم الرحت والحركه بينه
ياخيمة التلمنه و غَربت وين!
ومن بعدك يبويه اتشتتينه
ويا فزعة النار اعله البساتين
هيج اخلافك احنه اتفرهدينه
وظَلم بيتنه وصرنه المساكين
ونصير أكثر بعد لوما تجينه!
كون الموت يرضه انبادل الزين
و روح ابروح جان اتبادلينه!!
ونِموت وتضل يا شمعة العين
هيبة بيتنه ابكل المدينه
يل كبرك يلم كل المحبيين
وأحنه اكلوب يم كبرك نسينه!
وتصاويرك يبويه اعله الحياطين
عجب ما هودن روحي الحزينه!
ومودع إبالله ابجاه ابو حسين
وبجنة الباري ابهل ضعينه
وبجنة الباري ابهل ضعينه
رحم الله لمن قراء سورة الفاتحه المباركه لروح أبي ولامواتكم واموات المسلمين

جاسم ابراهيم